Sisi ni nani
J&J Agricultural Company Limited
J & J Agricultural Company Limited ni Kampuni ya Kibinafsi ya Wastani, iliyoanzishwa na kusajiliwa nchini Tanzania mwezi Oktoba 2019 chini ya Sheria ya Makampuni (Sura ya 212) ikiwa na Cheti cha Ushirika Na. 140114502.
Usimamizi wa shughuli za kila siku upo chini ya mamlaka ya Meneja wa Kampuni akisaidiwa na Wakuu wa Vitengo mbalimbali. Meneja wa Kampuni yupo kwa mujibu wa hatua za sera na mikakati ya biashara na anawajibika kwa Bodi ya Wakurugenzi.
Biashara ya awali ya kampuni ilitegemewa kuwa ni kujihusisha na shughuli za kilimo cha kutegema mvua, pamoja na ufugaji mchanganyiko wa kila aina za mifugo wakiwemo jamii ya kuku.
Sera ya serikali ya ukuzaji wa sekta binafsi na biashara huria ya uwekezaji imetoa mazingira ya kuvutia na yanayofaa kwa shughuli za biashara ndogo ndogo, hivyo basi kuibua ukuaji wa soko usio na kifani, hasa katika sekta ya kilimo.
Kutokana na hali hiyo, Kampuni ya J&J Agricultural Company Limited ililazimika kuongeza kasi ya biashara ya kilimo kwa kuendelea kupanua eneo la kilimo kwa kupata ekari zaidi za ardhi pamoja na kuongeza vifaa kama vile kujenga mabwawa ya asili ya maji na madimbwi kwa ajili ya mabwawa ya umwagiliaji, shughuli za uvuvi na ufugaji wa aina tofauti za mifugo.
Shughuli hizo ni pamoja na kilimo na upandaji wa mpunga, mahindi, dengu, mbogamboga, matunda (ndizi, matikiti maji, embe, mapapai, michungwa, kwa kutaja machache) chini ya skimu za umwagiliaji, na kuongeza idadi ya mifugo.
Kambi yetu ya kilimo ipo katika kijiji cha Kitomondo, bonde la Ruvu, Wilaya ya Kibaha Vijijini mkoani Pwani, Km 70 kutoka jijini Dar Es Salaam, katika barabara kuu inayotoka Jijini Dar Es Salaam kwenda Morogoro na ukifika mji wa Mlandizi, unakata kuelekea upande wa kushoto umbali wa takribani 23kms hadi kijiji cha Kitomondo. Upande wa Kaskazini kambi yetu ipo umbali wa takribani mita 800 kutoka mto Ruvu ambao ni chanzo kikuu cha maji kwa shughuli za kilimo na matumizi ya mifugo na binadamu katika maeneo jirani.
Kampuni pia imefungua viwanda vya kati vya kisasa katika mji wa Mlandizi, kimoja cha kukoboa mpunga na kufungasha mchele na kingine cha kutengeneza vyakula vya mifugo ikijumuisha wanyama wote wa kufugwa, ndege wote wa kufugwa na samaki.
Ekari za ardhi
Mifugo
Wafanyakazi
Challenges of tomorrow
Huduma, bidhaa na rasilimali zetu
Waanzilishi Wetu
Eng. James Kilaba
Mkurugenzi & Mwanzilishi
Eng. James & Joyce Kilaba
Wakurugenzi & WaanzilishiMpendwa Mheshimiwa Mteja na Mgeni kwenye Tovuti yetu,
Wewe hukuzaliwa kwa bahati mbaya, wala wewe hukutokea kama ajali. Hata kabla ya Ulimwengu kuumbwa, Mungu alikuwa anakufikiria, na alipanga hatma yako kwa makusudi yake. Sisi waanzilishi wa Kampuni ya Kilimo iitwayo J &J Agricultural Company Limited, tukiwa Watanzania wazawa na wazalendo wenye uthubutu, tunajivunia ninyi nyote.
J&J Agricultural Company Limited inafuraha kukukaribisha kwenye Tovuti yetu ambayo huonyesha aina tofauti za maudhui kila wakatimtumiaji anapoitazama (dynamic),ambayo utapata manufaa kwa biashara zako na kukuwezesha kutosheleza mahitaji yako.
Kwa nini ufanye kazi na J&J Agricultural Company Limited?
- Japo J & J Company Ltd ni kampuni mpya, ilianzishwa na wafanyakazi wenye wenye uzoefu na ujuzi wa hali ya juu.
- Kwa kuwa mteja wetu, unakuwa chini ya uangalizi na ulinzi wetu.
- Tunatoa mwongozo kwa uaminifu, mwongozo ambao utaleta tofauti inayoweza kupimika na kuonekana kwa mtaji wako.
- Tunaweka yote na kukupa maoni yetu ya kitaalam. Hatutakuwa na aibu ya kukuambia hapana (ilimradi ni ukweli) ambapo wengine hawawezi.